Luftigir havra/majs bollar

Lættir og lekrir havra/majsbollar - 14 bollar

Tilfar:

• 100 g smør
• 4 dl mjólk
• 2 dl lunka vatn (38 stig)
• 1 pk turrger = 11 g
• 1 egg
• 1 spsk honning
• 20 g fiberhusk
• 175 g glutenfrítt havramjøl
• 125 g majsmjøl (gult og fínt, ikki grýn)
• 200 g eplamjøl
• 1 tsk salt
• 2 tsk hjortetakssalt

Soleiðis gert tú:

1. Smør og mjólk smeltast til 38 stig.
2. Blanda turrger og lunka vatn saman og lat standa 10 min
   til tað skúmar.
3. Rør eggið og honningina saman og koyr í mjólka/smør-
   blandið og rør.
4. Koyr blandingina í gerskúmi og rør skjótt.
5. Koyr síðani fiberhusk í og rør væl og skjótt, uml. 3 min.
6. Blanda øll mjølini, salt og hjortetakssalt væl saman og
   koyr í og rør í 10 min.
7. Lat ganga í 1 tíma.
8. Koyr deiggið á mjøldryssað borð og trýst varliga niður
   til deiggið er uml. 4-5 cm høgt og næstan ein
   fýrakantur.
9. Sker deiggið út, set bollarnar á bakiplátu og lat ganga í
   ½ tíma.
10. Set ovnin á 250 stig heit luft.
11. Baka bollarnar í 10 min. Set ovnin niður á 200 og baka
    10 min.
12. Lat bollarnar kølna í ½ tíma, áðrenn tú sker í teir.